طريقه الكشرى على اصوله

من طرف نهى سعيد 2009-06-27, 7:12 pm

[b]المقادير:

كيلو ارز

نصف كيلو مكرونة اسباجيتي
(مقصوصة قصير)

نصف كيلو مكرونة مقصوصة
(بتاعة الكشري)

نصف كيلو عدس بجبة

نصف كيلو حمص مسلوق

كيلو طماطم
(عصيرمضروب في الخلاط)

راس ثوم كبيرة مهروسة و عليها ملح و كمون

نصف كيلو بصل مقطع شرائح رفيعة

(علبة هريسة شطة)
خل

الطريقة

الأول نعمل الارز:

نغسل العدس و نسيبة في شوية ماية

و نغسل الارز و نركنه علي جنب
في حلة علي النار نحط فيها شوية زيت و نبشر فيها بصلة كبيرة و عليها ملح و كمون و فلفل

و نقب و لما تذبل البصلة نحط العدس بمائه علي البصلة
(الماية يا دوب تكون مغطية العدس بسنتي متر)

و نسيبه علي النار و نغطية

و لما يتشرب احط شوية زيت و بعدين احط عليه الرز

(علشان ما يعجنش)

و اقلب كويس علشان يتجانس و بعدين ازود ماية
(المقدار العادي لتسوية الرز)

و ادوقه علشان لو محتاج ملح تاني

و اغطية لحد تمام التسوية

طبعا ممكن نعمل الارز لوحده و العدس لوحده

بس العدس هنعمله بالطريقة بتاعتنا من غير ما نزود الرز و لما يستوي نطفي عليه

و الرز نعمله بالشعرية مثلا او رز ابيض عادي

المكرونة:

هنسلقها عادي بالطريقة العادية بتاعتنا

بس نسلق كل نوع لوحده

صلصة الطماطم:

ناخد نصف مقدار الثوم المهروس و نحطه في حلة فيها زيت علي النار

و نقلب

يا دوب الثوم يبدأ ياخد لون

احط عليه 3\4 كوب خل

و لما الخليط يغلي احط عصير الطماطم و اسيبها لحد ما تستوي

(بس ما اسبهاش لحد ما تبقي غليظة)

يادوب تكون بدأت تربط و ليها قوام

للصلصة اللي بالشطة:

ناخد مقدار من الصلصة اللي عملناها و نحطه في كسرونة صغيرة و ندوب في نصف ملعقة من هريسة الشطة

و نسيبها علي النار و لما تغلي نطفيها

الدقة اللي بتكون موجودة في المحلات في زجاجة:

ناخد النصف الباقي من الثوم المهروس و نحطه في حلة فيها زيت ساخن علي النار

و نقلب و لما يبدأ الثوم يتلون نحط عليه مقدار من الخل و علي مقدارين ماية

(مثلا لو نصف كوب خل يبقي نحط كوب ماء)

و عليهم ملح و كمون

و نتركهم لحد ما يغلو و بعد كده نطفي عليهم

و نحطهم في برطمان و نغطيه كويس لحين الاكل

البصل المحمر:

نرش علي البصل شوية ماية و بعدين نحطه في كيس فيه دقيق و نقلب علشان يتغطي بالدقيق

و نحمره علي النار في زيت غزير و ساخن

كده البصل هيفضل مقرمش فترة طويلة و مش هيشرب زيت كتير

و كده خلاص نكون خلصنا الكشري

نبدأنغرف الطبق بأه حسب الرغبة

الارز بالعدس الاول

(لو معملناهومش مع بعض نحط الارز في الاول و العدس في الاخر خااالص)

و بعدين المكرونة بنوعيها

ثم الحمص المسلوق

و العدس

(لو ما ضفناهوش مع الرز)

و بعدين الصلصة

و في الاخر علي الوش البصل المحمر

علي فكرة مش بياخد وقت خالص

لو بدأنا في كل حاجة في نفس الوقت

هنخلص في نصف ساعة كل حاجة

و بالهنا و الشفا[/b]

من طرف bsbosa 2009-06-28, 12:54 am

انا عاشقة الكشري بموت فيه وشكلي كده هموت فيكي

من طرف نهى سعيد 2009-06-28, 2:50 pm

هتموتى فيا عشان الكشرى بس زعلتينى

من طرف bosekat_010 2009-06-28, 3:12 pm

ايوة وانا كمااااااااااااااااااااااااااااااااااااااااااااااااااااان

من طرف نهى سعيد 2009-06-28, 3:31 pm

ماشى ياستى بالهنا والشفا

من طرف bosekat_010 2009-06-29, 12:19 pm

الله يهنيكى

طريقه الكشرى على اصوله

طريقه الكشرى على اصوله

رد: طريقه الكشرى على اصوله

رد: طريقه الكشرى على اصوله

رد: طريقه الكشرى على اصوله

رد: طريقه الكشرى على اصوله

رد: طريقه الكشرى على اصوله